திருமண வேலைகள் பட்டியல்: 6 மாத முழுமையான திட்டமிடல் வழிகாட்டி

திருமணம் என்பது ஆயிரம் காலத்து பயிர் என்பார்கள். அத்தகைய முக்கியமான நிகழ்வை எவ்வித பதற்றமும் இல்லாமல் நடத்த முறையான திட்டமிடல் அவசியம். கடைசி நேர பரபரப்பை தவிர்க்க, குறைந்தது 6 மாதங்களுக்கு முன்பே வேலைகளைத் தொடங்குவது புத்திசாலித்தனம்.

1. 6 மாதங்களுக்கு முன்பு (The Big Start)

• நிச்சயதார்த்தம் & தேதி முடிவு: முதலில் ஜோதிடர்களிடம் ஆலோசித்துசிறந்த சுப முகூர்த்த தேதியைதேர்வு செய்யுங்கள்.
• பட்ஜெட் நிர்ணயம்: மொத்த செலவு எவ்வளவு செய்ய திட்டமிட்டுள்ளீர்கள்? நகைக்கு எவ்வளவு, மண்டபத்திற்கு எவ்வளவு என்று பிரித்து எழுதுங்கள். இதற்கு எங்கள் பட்ஜெட் கால்குலேட்டரை பயன்படுத்தலாம்.
• மண்டபம் முன்பதிவு: நல்ல தேதிகளில் மண்டபங்கள் சீக்கிரம் நிரம்பிவிடும். எனவே 6 மாதம் முன்பே அட்வான்ஸ் கொடுப்பது நல்லது.

2. 4 மாதங்களுக்கு முன்பு

• பட்டுப்புடவை & நகைகள்: முகூர்த்த பட்டு மற்றும் தாலி நகைகளை வாங்க இதுவே சரியான நேரம்.
• கேட்டரிங் (உணவு): சைவமா, அசைவமா? எத்தனை நபர்கள்? என்பதைப் பொறுத்து சிறந்த சமையல் கலைஞரை ஒப்பந்தம் செய்யுங்கள்.
• புகைப்படக் கலைஞர் (Photography): சிறந்த candid photographers கிடைப்பது அரிது. முன்கூட்டியே புக் செய்வது சிறந்தது.

3. 2 மாதங்களுக்கு முன்பு

• அழைப்பிதழ் (Invitation): பத்திரிக்கை டிசைனை தேர்வு செய்து, அச்சிடக் கொடுங்கள்.
• விருந்தினர் பட்டியல்: வெளியூர் உறவினர்கள், உள்ளூர் நண்பர்கள் என பட்டியலைத் தயார் செய்யுங்கள்.
• தங்கும் வசதி: வெளியூர் விருந்தினர்களுக்கு தங்கும் விடுதிகளை (Rooms) புக் செய்யுங்கள்.

4. 1 மாதம் முன்பு (The Final Countdown)

• அழைப்பு விடுத்தல்: நேரில் சென்று பத்திரிக்கை வைக்கும் படலம் தொடங்க வேண்டும்.
• மேக்கப் கலைஞர்: மணப்பெண்/மணமகன் அலங்காரத்திற்கு முன்பதிவு உறுதி செய்யுங்கள்.
• வாகன ஏற்பாடு: மண்டபத்திற்குச் செல்ல பேருந்து அல்லது கார் தேவைப்பட்டால் ஏற்பாடு செய்யுங்கள்.

5. 1 வாரம் முன்பு

• மெஹந்தி & சங்கீத்: வட இந்திய பாணி கொண்டாட்டங்கள் இருந்தால் அதற்கான ஏற்பாடுகளை கவனித்தல்.
• உடை சரிபார்த்தல் (Trial): முகூர்த்த உடைகள் சரியான அளவில் உள்ளதா என சோதித்துப் பார்ப்பது அவசியம்.
• சிறு பொருட்கள்: தாம்பூலம் பைகள், தேங்காய், பழம் போன்ற பூஜை பொருட்களை வாங்கி வையுங்கள்.